کوئٹہ میں دھماکے کے نتیجے میں ایک پولیس اہلکار ہلاک جبکہ 7 افراد زخمی

مہر خبررساں ایجنسی نے ڈان کے حوالے سے نقل کیا ہے کہ پاکستان کے صوبہ بلوچستان کے دارالحکومت کوئٹہ کے علاقے اسپینی روڈ پر زور دار دھماکے کے نتیجے میں ایک پولیس اہلکار ہلاک جبکہ 7 افراد زخمی ہوگئے ہیں۔ پولیس ذرائع کے مطابق  پولیس اہلکار معمول کے گشت پر تھے کہ ان کی گاڑی کو آئی ای ڈی سے نشانہ بنایا گیا، حملے میں 3 پولیس اہلکار اور 4 شہری زخمی بھی ہوئے ہیں۔ پولیس کے مطابق روز دار دھماکے سے قریبی مکانات اور دکانوں کے شیشے ٹوٹ گئے، دھماکے کی آواز کوئٹہ بھر میں سنی گئی جس سے شہر میں خوف و ہراس پھیل گیا۔ دھماکے کے بعد سکیورٹی فورسز نے علاقے کو گھیرے میں لے کر سرچ آپریشن کا آغاز کردیا ہے۔