امریکی بحریہ کا اعلٰی افسر چین کے لیے جاسوسی کے الزام میں گرفتار

امریکی حکام نے اپنی بحریہ کے ایک اعلٰی افسر کو چین کے لیے جاسوسی کے الزام میں حراست میں لے لیا ہے۔

مہر خبررساں ایجنسی نے رائٹرز کے حوالے سے نقل کیا ہے کہ امریکی حکام نے اپنی بحریہ کے ایک اعلٰی افسر کو چین کے لیے جاسوسی کے الزام میں حراست میں لے لیا ہے۔ اطلاعات کے مطابق امریکی بحریہ کے لیفٹیننٹ کمانڈر ایڈورڈ لن پر چین اور تائیوان کو خفیہ فوجی معلومات فراہم کرنے کا الزام ہے، انہیں امریکی ریاست ورجینیا میں ایک بحری اڈے میں رکھا گیا ہے اور وہیں ان کے خلاف کورٹ مارشل کی کارروائی ہوگی۔ لیفٹیننٹ کمانڈر ایڈورڈ لن کے حوالے سے امریکی بحریہ سے متعلق ادارے نیول انسٹی ٹیوٹ نیوز نے اپنی رپورٹ میں کہا ہے کہ اس افسر نے سگنلز انٹیلی جنس اسپیشلسٹ کے طور پر ذمہ داریاں انجام دیتے ہوئے اپنی ایک چینی دوست کو خفیہ معلومات فراہم کیں اور اپنے بیرون ملک دوروں سے متعلق جھوٹ بولا ہے۔ واضح رہے کہ اس سے قبل امریکی فوج کے ایک افسر نے وکی لیکس کو خفیہ دستاویزات فراہم کی تھیں جب کہ امریکی انٹیلی جنس ایجنسی این ایس اے کے ایک ایجنٹ ایڈورڈ اسنوڈن بھی کئی امریکی راز طشت از بام کرچکے ہیں۔

News Code 1863253

لیبلز

آپ کا تبصرہ

You are replying to: .
  • 1 + 8 =