نائیجیریا میں 5 خودکش حملوں میں 14 افراد ہلاک

مہر خبررساں ایجنسی نے فرانسیسی خبررساں ایجنسی کے حوالے سے نقل کیا ہے کہ نائیجیریا کے شہر میدگوری میں 5 کم عمر خودکش بمبار خواتین کے حملوں کے نتیجے میں 14 افراد ہلاک جب کہ 39 زخمی ہوگئے ہیں۔ اطلاعات کے مطابق شمال مشرقی نائیجیرین شہر مید گوری میں 5 کم عمر خود کش بمبار خواتین کے حملے کے نتیجے میں 14 افراد ہلاک جب کہ 39 کے قریب زخمی ہوگئے۔ حکام کے مطابق 4 خودکش بمبار خواتین نے اپنے آپ کو مقامی سیاسی رہنما کے گھر کے سامنے دھماکے سے اڑالیا جب کہ ایک نے مسجد کے باہر اس وقت دھماکہ کیا جب وہاں لوگ عصر کی نماز کی ادائیگی کے لیے آرہے تھے اطلاعات کے مطابق  ان خودکش حملوں کے پیچھے وہابی دہشت گرد تنظیم بوکو حرام کا ہاتھ ہے۔