مہرخبررساں ایجنسی فرانسیسی خبررساں ایجنسی کے حوالے سے نقل کیا ہے کہ سعودی عرب کی سیکیورٹی فورسز نے القاعدہ تنظیم کےسات دہشت گرد گروپوں کے ایک سو بہتر افراد کو گرفتار کر کے ان سے بھاری مقدار میں اسلحہ اور گولہ بارود برآمد کرنے کا دعوی کیا ہے اطلاعات کے مطابقان میں سے بعض افراد کوسعودیہ میں تیل کی تنصیبات کو نشانہ بنانے کے لئے ہوا بازی کی تربیت بھی دی گئی تھیسعودی ذرائع کے مطابق وزارت داخلہ کی جانب سے جاری بیان میں بتایا گیا ہے کہ سیکیورٹی فورسز نے مختلف کارروائیوں کے دوران القاعدہ سے وابستہ سات دہشت گرد گروپوں کے ایک سو بہتر افراد کو گرفتار کیا ہے ۔بیان کے مطابق گرفتار شدگان کی نشاندہی پر صحرائی علاقوں میں چھپایا گیا بھاری اسلحہ اور گولہ بارود اور کمپیوٹرز بھی بر آمد کئے گئے ہیں ۔گرفتار شدگان میں غیر ملکی باشندے بھی شامل ہیں البتہ اکثریت سعودی باشندوں کی ہے ۔ بیان کے مطابق ان افراد کے قبضے سے دو کروڑ ریال کی رقم بھی برآمد کی گئی ہے ۔ان میں سے بعض گروپوں نے قیدیوں کو آزاد کرانے کے لئے کئی جیلوں پر حملہ کرنے کی منصوبہ بندی کر رکھی تھی سعودی عرب میں اس سے قبل بھی القاعدہ دہشت گرد تنظیم نے کئی حملے کئے ہیں جن میں تیل کی تنصیبات اور سکیورٹی فورسز کو نشانہ بنایا گیا تھا
آپ کا تبصرہ