ایرانی قومی سلامتی کونسل کے سربراہ آج پاکستان کا دورہ کریں گے

مہر خبررساں ایجنسی کی رپورٹ کے مطابق، علی لاریجانی نے ایک پیغام میں کہا کہ وہ آج ایران کے دوست اور ہمسایہ ملک پاکستان کے دورے پر روانہ ہو رہے ہیں۔

انہوں نے کہا کہ ایران کے خلاف اسرائیل اور امریکہ کی 12 روزہ جارحیت کے دوران پاکستانی عوام نے ایران کی حمایت کی، جسے ایرانی قوم کبھی فراموش نہیں کرے گی۔

لاریجانی نے مزید کہا کہ ایران اور پاکستان خطے میں پائیدار امن کے دو اہم اور مؤثر ممالک ہیں اور تہران ہمیشہ برادر ممالک کے ساتھ قریبی تعاون کو اہمیت دیتا ہے۔