مغرب، روس کو توڑنے کے خواہاں ہیں، روس

مہر خبررساں ایجنسی کی رپورٹ کے مطابق، روسی سلامتی کونسل کے سیکریٹری سرگئی شویگو نے کہا ہے کہ مغربی طاقتیں روس کو کئی چھوٹے حصوں میں تقسیم کر کے ان پر غلبہ حاصل کرنا چاہتی ہیں۔

شویگو نے کہا کہ مغرب کی جانب سے روسی سلطنت اور سوویت یونین کو ’’قابض‘‘ یا ’’استعماری‘‘ قوت کے طور پر پیش کرنے کی کوششیں ناکام رہیں گی۔

ان کے مطابق موجودہ روسی حکومت کا سب سے اہم مقصد ملک کے مختلف نسلی گروہوں کے درمیان اتحاد اور امن کو مضبوط بنانا ہے۔

شویگو نے مزید کہا کہ روس، امریکہ کے برعکس، مختلف اقوام کے درمیان پرامن روابط کی بہترین مثال ہے۔