مہر خبررساں ایجنسی کی رپورٹ کے مطابق، بین الاقوامی انسانی حقوق کی تنظیم ایمنسٹی انٹرنیشنل نے فلسطین کے حوالے سے یورپی یونین کی پالیسیوں پر سخت تنقید کی ہے۔
تنظیم کی سربراہ اگنس کالامارڈ نے ایک بیان میں کہا ہے کہ یورپی یونین کا اسرائیل کے ساتھ تعاون کا معاہدہ معطل نہ کرنا، فلسطینی عوام کے حقوق کی شدید پامالی اور انسانی حقوق، بین الاقوامی قوانین اور یورپی یونین کے اپنے اصولوں کی خلاف ورزی ہے۔
برسلز میں یورپی وزرائے خارجہ نے اسرائیل کے خلاف مختلف ممکنہ پابندیوں پر تبادلہ خیال کیا، جن میں تجارتی معاہدے کی معطلی، اسلحہ کی فراہمی پر پابندی، اور ویزا پابندیاں شامل تھیں۔ تاہم، کوئی بھی فیصلہ قابل عمل نہ ہوا۔
اگنس کالامارڈ نے کہا کہ یورپی ممالک نے غزہ میں اسرائیل کی نسل کشی اور فلسطینی علاقوں پر قبضے کے خلاف مضبوط موقف اختیار کرنے کا موقع ضائع کر دیا ہے۔ اس اقدام سے فلسطینیوں کے خلاف جاری امتیازی سلوک کے رجحان کو تحفظ ملا ہے۔
آپ کا تبصرہ