مہر خبررساں ایجنسی کی رپورٹ کے مطابق، ایران کے نائب وزیر خارجہ مجید تخت روانچی نے تہران میں آرمینیا کے سفیر گریگور ہاکوبیان سے ملاقات کی۔
انہوں نے کہا کہ اسلامی جمہوریہ ایران کی خارجہ پالیسی میں آرمینیا کے ساتھ تعلقات کی ترقی کو خاص اہمیت حاصل ہے جس کے لئے تمام کوششیں بروئے کار لائی جا رہی ہیں۔
مجید تخت روانچی نے آرمینیا کی ارضی سالمیت کے بارے میں ملک کے واضح موقف کا حوالہ دیتے ہوئے کہا کہ اسلامی جمہوریہ ایران اب بھی خطے میں جغرافیائی سیاست کے استحکام کی حمایت کے اپنے اصولی موقف پر قائم ہے۔
اس ملاقات میں ہاکوبیان نے اسلامی انقلاب کی 46 ویں سالگرہ کی مبارکباد دیتے ہوئے کہا کہ آرمینیا ایران کے ساتھ باہمی احترام پر مبنی تعلقات کو قدر کی نگاہ سے دیکھتا ہے۔
اس دوران آرمینیا اور ایران کے درمیان تجارت اور توانائی کے شعبے میں تعاون اور علاقائی ترقی سے متعلق امور پر تبادلہ خیال کیا گیا۔
آپ کا تبصرہ