علمائے بیروت کی شیخ الازہر کو ایران کی دعوت کا خیرمقدم

بیروت علماء بورڈ نے ایک بیان میں ایران کی جانب سے شیخ الازہر کو دعوت دینے کا خیرمقدم کیا ہے۔

مہر خبر رساں ایجنسی کے مطابق، علماء بورڈ بیروت کی جانب سے جاری بیان میں تہران کی جانب سے شیخ الازہر احمد الطیب کو دی جانے والی دعوت کا حوالہ دیتے ہوئے کہا گیا ہے کہ ان دنوں امت مسلمہ کو مکالمے، ہم آہنگی اور یکجہتی کی اشد ضرورت ہے جبکہ ہم وہ قوم ہیں جسے دین نے اسلام کے تحفظ، استحکام اور دفاع کی دعوت دی ہے۔

بیروت علماء بورڈ نے مزید کہا کہ ہم نے ہمیشہ اختلافات پر قابو پانے اور مشترکہ مفادات کو ترجیح دینے کے مقصد کے ساتھ برادرانہ مکالمے کے لئے اس طرح کی تجاویز پر زور دیا ہے۔

بیان میں نتیجہ خیز مکالمے کی امید کا اظہار کرتے ہوئے کہا گیا ہے کہ ہم عرب ممالک اور مسلم دنیا میں اس ایسے کاموں پر توجہ دینے کی ضرورت پر زور دیتے ہیں تاکہ اسلام کے دشمنوں کی خدمت کرنے والے فسادیوں کا راستہ روکا جا سکے۔

News Code 1913041

لیبلز

آپ کا تبصرہ

You are replying to: .
  • captcha