کیلی فورنیا میں چھوٹا طیارہ گر کر تباہ/ 2 افراد ہلاک

 مہر خبررساں ایجنسی نے ایسوسی ایٹڈ پریس کے حوالے سے نقل کیا ہے کہ امریکی ریاست کیلی فورنیا میں ایک چھوٹا طیارہ ہنگامی لینڈنگ کے دوران زمین سے ٹکرا کر تباہ ہوگیا جس کے نتیجے میں 2 افراد ہلاک ہوگئے۔ اطلاعات کے مطابق امریکی ریاست کیلی فورنیا کے جنوبی علاقے میں واقع غیر معروف اور کم استعمال ہونے والے ماﺅنٹ پلیڑنٹ ریجنل ایئرپورٹ پر ایک انجن ولا چھوٹا طیارہ گر کر تباہ ہوگیا۔طیارہ کا اڑان بھرنے کے کچھ ہی دیر بعد کنٹرول روم سے رابطہ منقطع ہوگیا تھا جس پر ایک ہیلی کاپٹر اور کشتی کو وانڈو جھیل کے علاقے میں سرچ آپریشن کے لیے بھیجا گیا جنہیں طیارے کا ملبہ ایئرپورٹ کے نزدیک مل گیا۔  ریسکیو اداروں نے امدادی کاموں کا آغاز کرتے ہوئے طیارے کے ملبے سے دو لاشیں نکالی ہیں جن کی شناخت 68 سالہ گلین لیمب اور 70 سالہ مائیکل گیگلیوبیانکو کے نام سے ہوئی ہے۔