پاکستان میں کورونا وائرس سے 94 افراد ہلاک/ 5415 مبتلا

مہر خبررساں ایجنسی نے ڈان کے حوالے سے نقل کیا ہے کہ پاکستان میں کورونا وائرس کے نئے کیسز سامنے آنے کے بعد کورونا وائرس میں مبتلا افراد کی تعداد 5415 تک پہنچ گئی ہے جبکہ کورونا سے ہلاک ہونے والوں کی تعداد 94 تک پہنچ گئی ہے۔ پاکستان میں یکم اپریل سے اب تک نہ صرف کورونا متاثرین کی تعداد دوگنا بڑھی بلکہ اموات میں بھی روزانہ اضافہ ہوتا جارہا ہے۔پیر کو بھی ملک میں کورونا متاثرین کی تصدیق ہوئی اور پنجاب ، سندھ اور اسلام آباد میں مزید نئے کیسز رپورٹ ہوئے۔ پاکستان میں کئی درجن  ڈاکٹرز اور پیرا میڈيکل عملے کے افراد بھی کورونا وائرس میں مبتلا ہوگئے ہیں۔