مہر خبررساں ایجنسی نے پاکستانی ذرائع کے حوالے سے نقل کیا ہے کہ پاکستان کے شہر فیصل آباد میں مالکن نے ڈنڈے سے تشدد کرکے 23 سالہ گھریلو ملازمہ کو ہلاک کر دیا۔ پولیس کے مطابق 23 سالہ مسرت بی بی تین سال سے تاندلیانوالہ کے چک 413 میں عظمیٰ نامی خاتون کے گھر ملازمہ تھی اور 2 روز قبل کام کاج کے معاملے پر تکرار ہوئی تھی۔ اس موقع پر ملازمہ مسرت کو مالکن عظمی بی بی نے ڈنڈے سے مبینہ طور پر تشدد کا نشانہ بنایا جس سے وہ بے ہوش ہو گئی اور اسپتال منتقلی کے دوران راستے میں دم توڑ گئی۔ پولیس نے لاش پوسٹ مارٹم کے بعد ورثا کے سپرد کر کے مقتولہ کے بھائی کی مدعیت میں مالکن کے خلاف قتل کی دفعہ کے تحت مقدمہ درج کر لیا ہے تاہم ابھی تک گرفتاری عمل میں نہیں آئی ہے۔
پاکستان کے شہر فیصل آباد میں مالکن نے ڈنڈے سے تشدد کرکے 23 سالہ گھریلو ملازمہ کو ہلاک کر دیا۔
News Code 1896969
آپ کا تبصرہ