یورپ میں بنک سے 235 ارب ڈالر کی منی لانڈرنگ کا انکشاف

یورپ کے سب سے بڑے مالیاتی اسکینڈل میں ڈنمارک کے ڈانسکی بینک کی اسٹونیا برانچ سے 235 ارب ڈالر کی منی لانڈرنگ ہوئی۔

مہر خبررساں ایجنسی نے فرانسیسی خبررساں ایجنسی کےحوالے سے نقل کیا ہے کہ یورپ کے سب سے بڑے مالیاتی اسکینڈل میں ڈنمارک کے ڈانسکی بینک کی اسٹونیا برانچ سے 235 ارب ڈالر کی منی لانڈرنگ ہوئی۔ یورپ کے شمال میں واقع چھوٹے سے ملک اسٹونیامیں ڈنمارک کا سب سے بڑا بینک ڈانسکی سرمایہ کاری کرتا ہے۔ ڈانسکی بینک کی اسٹونیا برانچ سے 10 سالوں میں 200ارب یورو تقریبا 235 ارب ڈالر زکی مشکوک ٹرانزیکشنز ہوئیں، میڈیا ذرائع کے مطابق ڈنمارک کی فنانشل سپروائزری اتھارٹی نے معاملے کی تحقیقات بینک کے ساتھ مل کر کی ہیں۔

رپورٹ کے مطابق مشکوک ٹرانزیکشن روس اور سابقہ روسی ریاستوں سے کی گئیں، اسٹونیا اور روسی ایجنسیاں ان کی نشاندہی 2007 سے کرتی آرہی ہیں لیکن بہتر کاروبار کے سبب بینک کی اعلیٰ قیادت نے اس پر توجہ نہیں دی۔ اسٹونیا سے رقم براستہ لندن ٹیکس ہیون ممالک تک پہنچائی گئی لیکن رقم کا حتمی مالک کون ہے یہ پتہ نہیں لگایا جاسکا ہے، جبکہ معاملے کی تحقیقات فن لینڈ، فرانس اور برطانیہ نے بھی شروع کر دیئے۔

News Code 1884921

لیبلز

آپ کا تبصرہ

You are replying to: .
  • 5 + 9 =