اسرائیلی فوج کی فائرنگ سے ایک اور فلسطینی جوان شہید

مہر خبررساں ایجنسی نے فلسطین الیوم کے حوالے سے نقل کیا ہے کہ اسرائیلی فوج نے فلسطینی شہر بیت اللحم میں آپریشن کے دوران ایک اور فلسطینی نوجوان کو شہید کردیا۔

اطلاعات کے مطابق اسرائیلی فورسز نے فلسطینی شہر بیت اللحم میں کارروائی کے دوران 15 سالہ نوجوان فلسطینی کو گولی مار کر شہید کردیا جب کہ چھاپے کے دوران  11 افراد کو حراست میں بھی لے لیا ہے۔ وزارت صحت کے مطابق 15 سالہ طاہر مظہر بیت اللحم کے پناہ گزین کیمپ میں رہائش پذیر تھا جسے اسرائیلی فوج نے سینے پر گولی مار کر شہید کیا۔