روس اور ایران کا دہشت گردی کے خلاف تعاون جاری رکھنے کا عزم

مہر خبررساں ایجنسی کی رپورٹ کے مطابق اسلامی جمہوریہ ایران کے نائب وزير خارجہ جابری انصاری ماسکو پہنچ گئے ہیں جہاں انھوں نے روس کے نائب وزیر خارجہ میخائیل یوگدانوف سے ملاقات اور گفتگو کی۔ اس ملاقات میں فریقین نے شام کی تازہ ترین صورتحال پر بحث اور تبادلہ خیال کیا اور دہشت گردی کے خلاف باہمی تعاون جاری رکھنے کے عزم کا اظہار کیا۔ اس ملاقات میں سوچی اجلاس میں شام گروہوں کے قومی مذاکرات پر بھی تبادلہ خیال کیا گيا۔