کراچی میں فائرنگ کے واقعے میں 2 افراد ہلاک

مہر خبررساں ایجنسی نے ڈان کے حوالے سے نقل کیا ہے کہ پاکستان کے شہر کراچی میں لیاری کے علاقے بغدادی میں فائرنگ کے واقعے میں 2 افراد ہلاک اور 5 زخمی ہوگئے ہیں۔ ایس ایس پی عدیل حسین چانڈیو کے مطابق مقامی بلڈر روزی خان نیازی کا بیٹا رئیس نیازی بغدادی کے ایک ہوٹل میں موجود تھا کہ دو مسلح افراد، مبین اور فضل داد نے بھتہ نہ دینے پر رئیس پر فائرنگ کردی۔فائرنگ سے قریب سے گزرنے والے 4 افراد زخمی بھی ہوئے جنہیں علاج کے لیے سول ہسپتال منتقل کیا گیا۔  انہوں نے کہا کہ فائرنگ سے رئیس کے ہلاک ہونے کے بعد مشتعل ہجوم نے حملہ آوروں پر تشدد کیا، جس سے فضل داد ہلاک اور مبین زخمی ہوگیا۔ ایس ایس پی عدیل حسین چانڈیو کا کہنا تھا کہ مبین اور فضل داد راجہ پٹھان گینگ کا حصہ تھے، جبکہ فضل کا بھائی مصطفیٰ گزشتہ سال پولیس انکاؤنٹر میں مارا گیا تھا۔