مہر خبررساں ایجنسی نے امریکی اخبار وال اسٹریٹ جرنل کے حوالے سے نقل کیا ہے کہ سعودی عرب کے بادشاہ کے بیٹے اور نئے ولیعہد محمد بن سلمان نے سابق ولیعہد محمد بن نائف کے حامیوں اور اپنے مخالفین کا قلع و قمع شروع کردیا ہے۔ اطلاعات کے مطابق سعودی عرب کے نئے ولیعہد اپنے خلاف کسی بھی سازش کو دبانے کے لئے بھر پور تلاش و کوشش کررہے ہیں ۔ سعودی عرب کے بعض باخبر ذرائع نے امریکی حکام کو بتایا ہے کہ محمد بن سلمان نے سابق ولیعہد محمد بن نائف کے حامیوں کا قلع قمع شروع کردیا ہے اور وہ اپنے خلاف کسی بھی شورش کو کچلنے کے لئے بالکل تیار ہیں ۔ ذرائع کے مطابق سعودی عرب کے سلطنتی دربار میں موت جیسی خاموشی طاری ہے اور کسی میں محمد بن سلمان کے خلاف زبان کھولنے کی ہمت نہیں۔ واضح رہے کہ سعودی عرب کے بادشاہ شاہ سلمان نے محمد بن نائف کو ولیعہد کے عہدے سے برطرف کرکے اپنے 31 سالہ ناتجربہ کار بیٹے محمد بن سلمان کو سعودی عرب کا نیا ولیعہد بنادیا ہے جس کے بعد سعودی دربار میں اندرونی کھلبلی مچی ہوئی ہے لیکن اس کھلبلی کو کچلنے کے لئےمحمد بن سلمان بھی مکمل طور پر تیار ہیں ۔
سعودی عرب کے بادشاہ کے بیٹے اور نئے ولیعہد محمد بن سلمان نے سابق ولیعہد محمد بن نائف کے حامیوں اور اپنے مخالفین کا قلع و قمع شروع کردیا ہے۔
News ID 1873619
آپ کا تبصرہ