مہر خبررساں ایجنسی نے پاکستانی ذرائع کے حوالے سے نقل کیا ہے کہ چیمپئنز ٹرافی میں پہلی بار فائنل کھیلنے والی پاکستان کرکٹ ٹیم نے روایتی حریف ہندوستان کو 180رنز سے شکست دیدی ہے۔
پاکستان نے ہندوستان کو شکست دیکر پہلی بار آئی سی سی چیمپئنز ٹرافی کا ٹائٹل اپنے نام کرلیا جب کہ پاکستانی قومی ٹیم کے قائد سرفراز احمد نے کہا اب کوئی نہیں کہے گا کہ ہم بھارت کو نہیں ہراسکتے۔ لندن کے کیننگٹن اوول میں کھیلے گئے چیمپئنز ٹرافی کے سب سے بڑے معرکے میں پاکستانی بلے بازوں کی شاندار کارکردگی کی بدولت بھارت کو جیت کیلیے 339 رنز کا ہدف دیا جس کے جواب میں بلو شرٹس کی آدھی ٹیم 54 رنز پر پویلین لوٹ گئی تھی تاہم ہاردک پانڈیا نے اپنی جارحانہ بلے بازی سے بھارت کا اسکور آگے بڑھانے کی کوشش کی جو ناکام رہی ، پوری ٹیم 158 رنز بنا کر آؤٹ ہوئی اور یوں پاکستان نے آخری معرکہ 180 رنز سے اپنے نام کرلیا۔
آپ کا تبصرہ