اترپردیش میں ٹرک اور بس میں تصادم کے نتیجے میں 22مسافر ہلاک

مہر خبررساں ایجنسی نے ہندوستانی ذرائع کے حوالے سے نقل کیا ہے کہ ہندوستانی ریاست اتر پردیش میں ٹرک اور بس میں خوفناک تصادم کے نتیجے میں 22مسافر ہلاک اور 15زخمی ہوگئے ہیں۔ اطلاعات کے مطابق ریاست اترپردیش میں مسافروں سے بھری بس مخالف سمت سے آنے والے ٹرک سے جا ٹکرائی جس کے بعد بس میں آگ بھڑک اٹھی ، حادثے کے نتیجے میں بس میں موجود 22مسافر جھلسنے اور زخمی ہونے سے ہلاک ہو گئے جبکہ خواتین اور بچوں سمیت 15زخمی ہیں ۔ عینی شاہدین کے مطابق حادثے کے فوری بعد بس میں آگ بھڑک اٹھی ،دوران سفر بہت سے مسافر سوئے ہوئے تھے جو بس سے باہر نکلنے میں ناکام ہو گئے ۔حادثے کے فوری بعد بس کے فیول ٹینک میں دھماکہ ہوا اور آگ لگ گی جس نے مسافروں کو نکلنے تک کا موقع نہ دیا ۔مرنے والوں کی شناخت کا عمل تاحال جاری ہے جبکہ زخمیوں کو ہسپتالوں میں منتقل کر دیا گیا ہے جن میں سے بعض جھلسنے والوں کی حالت تشویشناک ہے