شام میں ایمن الظواہری کا نائب ہوائی حملے میں ہلاک

مہر خبررساں ایجنسی نے روسیا الیوم کے حوالے سے نقل کیا ہے کہ شام ميں امریکی ہوائی حملے میں القاعدہ دہشت گرد تنظیم کے رہنما ایمن الظواہری کا نائب ابو الخیر المصری ہلاک ہوگیا ہے۔اطلاعات کے مطابق شام کے صوبہ ادلب میں امریکی ہوائی حملے میں  وہابی دہشت گرد تنظیم القاعدہ کا نائب سربراہ ابوالخیر المصری ہلاک ہوگیا ہے۔ ادھر النشرہ نے جیش الفتح کے حوالے سے نقل کیا ہے کہ امریکی جہازوں نے ابوالخیر المصری کی گاڑی کو نشانہ بنایا جس کے نتیجے میں وہ ہلاک ہوگیا۔