غزہ پر اسرائیلی بمباری سے 3 فلسطینی زخمی

مہر خـررساں ایجنسی نے فلسطین الیوم کے حوالے سے نقل کیا ہے کہ فلسطینیوں کے خلاف اسرائیل کی جارحیت اور بربریت کا سلسلہ جاری ہے غزہ پر اسرائیلی بمباری میں 3 فلسطینی زخمی ہوگئے ہیں۔ اسرائیلی فوج کے مطابق حملہ حماس کے ٹھکانے پر کیا گیا۔ یہ حملہ ایک راکٹ حملے کے جواب میں کیا گیا ہے اسرائیلی فوج کے مطابق ابتدائی تحقیقات سے پتہ چلا ہے کہ یہ راکٹ حملہ غزہ کی پٹی سے فائر کیا گیا تھا جو کہ ایک کھلے بیابان علاقے میں گرا۔اسرائیلی فوج کے مطابق اس سے کوئی نقصان نہیں ہوا لیکن ردعمل میں اسرائیلی ٹینکوں نے غزہ میں حماس کے ایک ٹھکانے کو نشانہ بنایا۔ادھر غزہ میں موجود حماس کے کارکنوں کا کہنا ہے کہ ان کے دوٹھکانوں کو نشانہ بنایا گیا ہے جس سے عمارتوں کو نقصان پہنچا ہے۔