چین میں مساج پارلر میں آتشزدگی کے نتیجے میں 18 افراد ہلاک

مہر خبررساں ایجنسی نے رائٹرز کے حوالے سے نقل کیا ہے کہ چین میں مساج پارلرکی عمارت میں آتشزدگی کے نتیجے میں 18 افراد ہلاک جب کہ متعدد زخمی ہوگئےہیں۔ اطلاعات کے مطابق حادثہ چین کے مشرقی صوبے شی ژنگ میں پیش آیا جہاں مساج پارلر کی عمارت میں اچانک آگ بھڑک اٹھی جس نے دیکھتے ہی دیکھتے پوری عمارت کو اپنی لپیٹ میں لے لیا، واقعے کے بعد فائر بریگیڈ نے آگ بجھانے کی کوششیں شروع کردیں اور کئی گھنٹے کے بعد آگ پر قابو پالیا۔ریسکیو اداروں کے مطابق امدادی کارروائیوں کے دوران عمارت سے 8 افراد کی لاشیں ملیں جب کہ متعدد زخمیوں کو اسپتال منتقل کیا گیا جس میں 10 افراد زخموں کی تاب نہ لاتے ہوئے دم توڑ گئے ہیں اور اب بھی کئی افراد کی حالت تشویشناک ہے۔