شام میں النصرہ فرنٹ کا اہم کمانڈر ہلاک

مہر خبررساں ایجنسی نے سانا کے حوالے سے نقل کیا ہے کہ شام میں وہابی دہشت گرد تنظیم داعش کے ٹھکانوں پر تازہ ترین حملوں میں النصرہ فرنٹ کا سینیئر کمانڈر ہلاک ہوگيا ہے۔ذرائع کے مطابق حلب کے مغرب میں واقع کفر ناہا نامی گاؤں میں وہابی دہشت گردوں کے ٹھکانوں کو فضائی اور زمینی کارروائی میں نشانہ بنایا گیا جس میں النصرہ فرنٹ کا اہم کمانڈر ابوعمر سراکیب ہلاک ہوگيا ہے۔ابوعمر شراکیب کی ہلاکت کی تصدیق النصرہ فرنٹ کی جانب سے ٹوئٹر پیغام میں کی گئی ۔واضح  رہے کہ النصرہ فرنٹ نے رواں برس جولائی میں اپنا نام تبدیل کرکے فتح الشام رکھ لیا تھا اور کالعدم تنظیم القاعدہ سے اپنے تعلقات ختم کر دیے تھے۔ النصرہ فرنٹ کو سعودی عرب اور قطر کی بھر پور حمایت حاصل رہی ہے۔