کابل میں خود کش حملے کے نتیجے میں 10 افراد ہلاک

مہر خبررساں ایجنسی نے افغان ذرائع کے حوالے سے نقل کیا ہے کہ افغانستان کے دارالحکومت کابل میں ایک خود کش حملے کے نتیجے میں 10 افراد ہلاک جبکہ 4 زخمی ہوگئے ہیں ۔ افغان وزارت داخلہ کے ترجمان نجیب دانش نے دھماکے کی تصدیق کرتے ہوئے کہا ہے کہ دھماکے میں کم از کم 10 افراد ہلاک اور 4 زخمی ہوئے ہیں جبکہ مزید ہلاکتوں کا خدشہ ہے۔ ترجمان کے مطابق خود کش حملہ میں عدالتی اہلکاروں کو نشانہ بنایا گيا ۔