صوبہ کنڑ میں 15 باراتی ہلاک

مہر خبررساں ایجنسی نے افغان میڈیا کے حوالے سے نقل کیا ہے کہ افغانستان کے مشرقی صوبہ کنڑ میں باراتیوں کی گاڑی حادثے کا شکار ہوگئی جس کے نتیجے میں 15 افراد ہلاک اور 6 زخمی ہوگئے ہیں۔ اطلاعات کےمطابق پولیس حکام کا کہنا ہے کہ حادثہ ضلع چھپادارا میں پیش آیا جہاں باراتیوں کی ایک گاڑی تیز رفتاری کے باعث الٹ کر کھائی میں جاگری جس کے نتیجے میں 15 افراد ہلاک  اور 6زخمی ہوگئے۔صوبائی پولیس چیف نجیب اللہ کا کہنا ہے کہ زخمیوں کو قریبی ہسپتال منتقل کردیا گیا جہاں بعض افراد کی حالت نازک بتائی جاتی ہے ۔