الانبار میں خودکش حملے میں 8 اہلکار ہلاک

مہر خبررساں ایجنسی نے رائٹرز کے حوالے سے نقل کیا ہے کہ عراق کے صوبے الانبار میں وہابی دہشت گرد تنظیم داعش نے فوجی چیک پوسٹ پر خود کش حملہ کرکے 8 فوجیوں کو ہلاک جب کہ 6 فوجیوں کوزخمی کردیا ہے۔ اطلاعات کے مطابق وہابی دہشت گرد تنظیم داعش نے عراقی صوبے الانبار میں فوجی چیک پوسٹ کو خود کش حملے کا نشانہ بنایا جس کے نتیجے میں 8 فوجی ہلاک جب کہ 6 زخمی ہوگئے جنہیں قریبی اسپتال منتقل کردیا گیا۔ حکام کے مطابق خودکش حملہ آور 2 ٹینکوں سمیت 3 گاڑیوں میں آئے اور چیک پوسٹ کے قریب خود کو دھماکے سے اڑا لیا جس کے نتیجے میں گاڑیاں بھی مکمل طور پر تباہ ہوگئیں۔