کابل میں کار بم دھماکے میں 12 افرادہلاک اور 105 زخمی

مہر خبررساں ایجنسی نے سی بی ایس کے حوالے سے نقل کیا ہے کہ افغانستان کے دارالحکومت کابل میں اسپتال کے باہر کار بم دھماکے کے نتیجے میں 12 افرادہلاک جب کہ 105 زخمی ہوگئے ہیں۔ ہلاک ہونے والوں میں 3 نیٹو کے کنٹریکٹر جب کہ 9 مقامی افغان باشندے شامل ہیں جب کہ دھماکے کے بعد جائے وقوعہ پر امدادی کارروائیاں شروع کردی گئیں اور زخمیوں کو قریبی اسپتال میں منتقل کردیا گیا جہاں بیشتر زخمیوں کی  حالت تشویش ناک بتائی جاتی ہے۔سیکیورٹی اداروں کے مطابق کار میں خودکش حملہ آور سوار تھا جس کا نشانہ غیر ملکیوں کی گاڑی تھی جس میں نیٹو کے کنٹریکٹر سوار تھے تاہم ابھی تک کسی بھی گروپ کی جانب سے حملے کی ذمہ داری قبول نہیں کی گئی ہے۔