عراقی صحافی کی طرف سے بش کو جوتے مارنے کے اقدام کی حمایت میں وہائٹ ہاؤس کے سامنے جوتے اٹھا کر مظاہرہ کیا جائے گا

بیان میں کہا گیا ہے کہ بش انتظامیہ کی طرف سے عراق میں غیر قانونی مداخلت، عراق میں مارے جانیوالے امریکی اور عراقی فوجیوں کی طرف سے جوتوں کی بوریاں لے کر مظاہرین وائٹ ہاؤس کے سامنے جمع ہوں گے۔

جنگ مخالف تنظیموں نے عراقی حکومت سے مطالبہ کیا ہے کہ بغداد میں صدر بش پر جوتے پھینکنے والے عراقی صحافی منتظر الزیدی کو فوری طور پر رہا کیا جائے۔ تنظیم کے اراکان نے کہا ہے کہ عراقی صحافی کے اہل خانہ کی مالی مدد کے لیےایک فنڈ بھی قائم کیا جائے گا۔

تنظیم "پنک کوڈ" کی میڈا بینجامن نے کہا ہے کہ یہ بہت قابل اشتعال بات ہے کہ عراقی صحافی منتظر الزیدی جارج بش کی بےعزتی کرنے پر دو سال تک کی سزا پا سکتا ہے جبکہ پندرہ لاکھ عراقیوں، چار ہزار دو سو امریکی فوجیوں کی ہلاکتوں اور لاکھوں عراقیوں کی ملک بدری کے ذمہ دار جارج بش کھلے گھوم رہے ہیں۔ انھوں نے کہا کہ صدر بش کو جنگی جرائم کے ارتکاب میں جیل میں ہونا چاہیے تھا- اس مظاہرے کو جنگ مخالف تنظیموں نے " جوتے برائے بش" ریلی کا نا م دیا ہے- بیان میں کہاگيا ہے کہ جنگ مخالف کارکنوں کی طرف سے وائٹ ہاؤس کے سامنے جوتا مظاہرے میں عراق جنگ میں شریک رہنے والے سابق امریکی فوجی بھی شرکت کریں گے-