پاکستان نے آسٹریلیا کو9 وکٹوں سے شکست دیکر سیریز جیت لی

پاکستان نے آسٹریلیا کو تیسرے ون ڈے میچ میں 9 وکٹوں سے شکست دیکر سیریز 1-2 سے اپنے نام کرلی۔

مہر خبررساں ایجنسی نے پاکستانی ذرائع کے حوالے سے نقل کیا ہے کہ پاکستان نے آسٹریلیا کو تیسرے ون ڈے میچ میں 9 وکٹوں سے شکست دیکر سیریز 1-2 سے اپنے نام کرلی۔

پاکستانی کرکٹ ٹیم نے 20 سال بعد ہوم گراؤنڈ پر آسٹریلیا کو ون ڈے سیریز میں شکست سے دوچار کیا ہے، قذافی اسٹیڈیم لاہور میں کھیلے جارہے تیسرے ون ڈے میں پاکستان کے کپتان بابراعظم نے ٹاس جیت کر آسٹریلیا کو بیٹنگ کی دعوت دی، تاہم آسٹریلوی ٹیم 41.5 اوورز میں 210 رنز بناکر پویلین لوٹ گئی تھی۔

ہدف کے تعاقب میں پاکستان کا آغاز پر اعتماد رہا، اوپنر فخر زمان کے جلد آؤٹ ہوجانے کے بعد امام الحق اور کپتان بابراعظم نے ذمہ دارنہ اننگز کھیلی، دونوں بلےبازوں کے مابین 190 رنز کی پارٹنرشپ قائم ہوئی۔

 کپتان بابراعظم نے سینچری اسکور کرتے ہوئے 12 چوکوں کی مدد سے 105 رنز بنائے جبکہ امام الحق نے 85 رنز بنائے۔ واضح رہے کہ آسٹریلیا نے تین ٹیسٹ میچوں کی سیریز 1-0 سے اپنے نام کر چکا ہے، سیریز کا واحد ٹی 20 انٹرنیشنل میچ منگل کو کھیلا جائے گا۔

News Code 1910363

لیبلز

آپ کا تبصرہ

You are replying to: .
  • 2 + 0 =