پشاور میں نشے میں دھت شخص نے ماں اور بیوی کو قتل کردیا

پاکستان کے شہر پشاور میں آئس نشہ کرنے والے جنونی شخص نے فائرنگ کر کے ماں اور بیوی کو قتل جب کہ بیٹی، باپ اور بہن کو زخمی کردیا۔

مہر خبررساں ایجنسی نے ایکس پریس کے حوالے سے نقل کیا ہے کہ پاکستان کے شہر پشاور میں آئس نشہ کرنے والے جنونی شخص نے فائرنگ کر کے ماں اور بیوی کو قتل جب کہ بیٹی، باپ اور بہن کو زخمی کردیا۔

اطلاعات کے مطابق عزت خان ولد ریدی گل سکنہ چرگانو جو پیشے کے لحاظ سے مستری ہے اور بد قسمتی سے آئس نشے کی لت میں مبتلا ہے اس نے کسی نامعلوم وجہ سے اپنی بیوی، والد، والدہ، بہن اور ایک بیٹی کو فائرنگ کر کے شدید زخمی کیا جن میں سے والدہ اور بیوی زخموں کی تاب نہ لاتے ہوئے موقع پر ہی ہلاک  اور بیٹی، والد اور ایک بہن شدید زخمی ہوگئے۔زخمیوں کو ابتدائی طبی امداد کے لیے اسپتال منتقل کردیا گیا ہے جب کہ دونوں مقتولین خواتین کی لاشیں پولیس تحویل میں لے کر اسپتال منتقل کردی گئی ہیں۔ واقعہ کی اطلاع ملتے ہی پولیس کی بھاری نفری موقع پر پہنچ گئی۔ ملزم نے پولیس کی آمد کی اطلاع ملتے ہی گرفتاری سے بچنے کے لیے اپنے دو بچوں کو اسلحہ کی نوک پر یرغمال بنا کر کمرے میں بند کر لیا تھا، تاہم پولیس ٹیم نے نہایت حکمت عملی سے دونوں بچوں کو ملزم کے چنگل سے آزاد کر کے ملزم کو اسلحہ سمیت گرفتار کرلیا۔

News Code 1895757

لیبلز

آپ کا تبصرہ

You are replying to: .
  • 6 + 1 =