اطالوی پولیس کی منشیات فروشوں کے خلاف کارروائی

مہر خبررساں ایجنسی نے غیر ملکی ذرائع کے حوالے سے نقل کیا ہے کہ اٹلی میں پولیس نے منشیات فروشوں کے خلاف کارروائی کرتے ہوئے ایک گھر کے باتھ روم میں بنایا گیا حشیش کا جدید فارم ڈھونڈ نکالا۔  حکام کا کہنا ہے کہ سارڈینیا جزیرے میں یہ ملزمان منشیات فروشی کے لیے اپنے باتھ روم سے منسلک گرین ہاؤس طرز کے فارم ہاؤس کو استعمال کر رہے تھے۔ واضح رہے کہ اطالوی پولیس نے بروقت کاروائی کرتے ہوئے گھر کے مالک سمیت  منشیات کے پودے اور اسلحہ اپنے قبضے میں لے لیا ہے۔