ایرانی قوم کا قطعی آپشن استقامت اور پائداری/ جنگ نہیں ہوگی/ مذاکرات زہر ہیں

رہبر معظم انقلاب اسلامی حضرت آیت اللہ العظمی خامنہ ای نے ایران کے اعلی حکام کے ساتھ ملاقات میں دشمن کے مقبلے میں ایرانی قوم کے قطعی آپشن استقامت اور پائداری کی طرف اشارہ کرتے ہوئے فرمایا: جنگ نہیں ہوگی ، امریکہ کے ساتھ مذاکرات زہر ہیں جنگ کی صورت میں امریکہ کو پشیمان ہونا پڑےگا۔

مہر خبررساں ایجنسی کی رپورٹ کے مطابق اسلامی جمہوریہ ایران کے اعلی حکام اور اہلکاروں نے رہبر معظم انقلاب حضرت آیت اللہ العظمی خامنہ ای سے ملاقات کی ۔ رہبر معظم انقلاب اسلامی نے اس ملاقات میں حکام کی تقوی اور پرہیزگاری، عوامی امور پر توجہ  اور بیت المال میں رعایت کی سفارش کرتے ہوئے فرمایا: اسلامی جمہویرہ ایران کے تینوں قوا کو اقتصادی مشکلات حل کرنے اور پیداوار کی رونق کے سلسلے میں سنجیدہ اقدامات پر توجہ مبذول کرنی چاہیے۔

رہبر معظم انقلاب اسلامی نے ایرانی عوام کے خلاف امریکہ کے حالیہ اقدامات کی طرف اشارہ کرتے ہوئے فرمایا: امریکہ ایرانی عوام اور اسلامی نظام کے درمیان خلیج پیدا کرنے کی مذموم کوشش کررہا ہے ایرانی حکام کو امریکہ کے شوم اور گھناؤنی منصوبوں پر حاص توجہ رکھنی چاہیے اور اس کے مکر و فریب میں نہیں آنا چاہیے امریکہ کی موجودہ حکومت کے ساتھ مذاکرات زہر ہیں ۔

رہبر معظم انقلاب اسلامی نے دشمن کے مقابلے میں ایرانی قوم کے قطعی آپشن استقامت اور پائداری کی طرف اشارہ کرتے ہوئے فرمایا: جنگ نہیں ہوگی ، امریکہ کے ساتھ مذاکرات زہر ہیں جنگ کی صورت میں امریکہ کو پسپائی اور پشیمانی کا سامنا کرنا پڑےگا۔

رہبر معظم انقلاب اسلامی نے ایرانی قوم کے خلاف امریکی اقدامات کی طرف اشارہ کرتے ہوئے فرمایا: دشمن کے مد مقابل ہمارے پاس دو آپشن ہیں یا ہم استقامت اور پائداری کا مظاہرہ کریں یا دشمن کو آگے بڑھنے کا موقع فراہم کریں۔ تجربات سے یہ بات ثابت ہوئی ہے کہ جب بھی ہم نے دشمن کے مد مقابل استقامت اور پائداری کا مظاہرہ کیا تو اللہ تعالی نے ہمیں فتح عطا کی ہے لہذا دشمن کے مقابلے میں ایرانی قوم کی استقامت اور پائداری کا سلسلہ جاری رہےگا اور فتح ایرانی قوم کے قدم چومے گی۔

News Code 1890528

لیبلز

آپ کا تبصرہ

You are replying to: .
  • 1 + 13 =