پاکستانی فوجی سربراہ  کی امریکہ کےخصوصی نمائندے سے ملاقات

پاکستانی فوج کے سربراہ جنرل قمر جاوید باجوہ نے افغانستان کے امور میں امریکہ کے خصوصی نمائندے زلمے خلیل زاد سے ملاقات اور گفتگو کی۔

مہر خبررساں ایجنسی نے ڈان کے حوالے سے نقل کیا ہے کہ پاکستانی فوج کے سربراہ جنرل قمر جاوید باجوہ نے افغانستان کے امور میں امریکہ کے خصوصی نمائندے زلمے خلیل زاد سے ملاقات اور گفتگو کی۔ ملاقات کے دوران خطے میں امن و استحکام لانے کی کوششیں جاری رکھنے کے عزم کا اظہار کیا گيا ہے۔ ترجمان پاک فوج کے مطابق آرمی چیف جنرل قمرجاوید باجوہ سے امریکی نمائندہ خصوصی زلمے خلیل زاد نے ملاقات کی ہے۔ ملاقات کے دوران علاقائی سلامتی اورافغان امن عمل پر بات چیت کی گئی۔ زلمے خلیل زاد نے افغان امن عمل میں پاکستان کی کوششوں کوسراہا۔ ڈی جی آئی ایس پی آر کے مطابق آرمی چیف نے امریکی نمائندہ خصوصی کو خطے میں امن واستحکام لانے کی کوششیں جاری رکھنے کی یقین دہانی کرائی۔ انہوں نے کہا کہ پاکستان خطےمیں امن کیلئےکوششیں جاری رکھےگا۔واضح رہے کہ متحدہ عرب امارات میں امریکا اور افغان طالبان کے درمیان امن مذاکرات کے 3 ادوار مکمل ہوگئے ہیں، مذاکرات مکمل ہونے کے بعد امریکی نمائندہ خصوصی کا دورہ انتہائی اہمیت کا حامل سمجھا جارہا ہے۔

News Code 1886589

لیبلز

آپ کا تبصرہ

You are replying to: .
  • 2 + 14 =