کابل میں اسپورٹس کمپلیکس پر دو خودکش حملوں میں 18افراد ہلاک

مہر خبررساں ایجنسی نے خامہ کے حوالے سے نقل کیا ہے کہ افغانستان کے دارالحکومت کابل کے اسپورٹس کمپلیکس پر دو خودکش حملوں میں 18افراد ہلاک اور50زخمی ہو گئے۔ افغان وزارت داخلہ کے ترجمان نجیب دانش نے حملے کی تصدیق کرتے ہوئے کہا ہے کہ کابل میں دشت برچ میں واقع اسپورٹس کمپلیکس کے ریسلنگ کلب میں خودکش بمبار نے خود کو دھماکے سے اڑا لیا جس کے نتیجے میں18افراد ہلاک ہو گئے۔ افغان وزارت صحت کے ترجمان واحد مجور نے بھی18افراد کی ہلاکت کی تصدیق کرتے ہوئے بتایا کہ واقعے میں زخمی ہونے والے 50افراد کو  اسپتال منتقل کردیا گیا ہے۔ کابل میں ایسے وقت میں خودکش حملے ہوئے ہیں جب امریکی وزیر دفاع کابل اور امریکی وزیر خآرجہ پاکستان کے دورے پر ہیں۔