سعودی عرب میں 700 کلو نقلی شہد ضبط

مہر خبررساں ایجنسی نے عرب ذرائع کے حوالے سے نقل کیا ہے کہ سعودی عرب کے علاقے عسیر کی بلدیہ کے اہلکاروں نے عید الاضحی کی تعطیلات کے دوران 7 سو کلو گرام نقلی شہد ضبط کر کے ضائع کر دیا۔ عسیر ریجن کی بلدیہ کی جانب سے جاری بیان میں کہا گیا ہے کہ بلدیہ کے اہلکارو ں کو اطلاع ملی تھی کہ سودہ ریجن کے پہاڑی تفریحی مقامات پر نقلی شہد سیاحوں کو فروخت کیا جارہا ہے۔ اطلاع پر بلدیہ کے اہلکاروں نے کارروائی کرتے ہوئے مذکورہ مقام پر چھاپہ مارا جہاں سے بڑی مقدار میں نقلی شہد فروخت کیا جارہا تھا، جسےضبط کر کے ضائع کر دیا گيا۔