ہندوستان میں لوہے کی فیکٹری سے زہریلی گیس کے اخراج سے 6 افراد ہلاک

مہر خبررساں ایجنسی نے ہندوستانی ذرائع کے حوالے سے نقل کیا ہے کہ ہندوستان میں لوہے کی ایک فیکٹری سے زیریلی گیس کے اخراج کے باعث 6 مزدور ہلاک ہوگئے ہیں۔ پولیس حکام کے مطابق ریاست آندھراپردیش کے ضلع اشت پور میں واقع فیکٹری سے زیریلی گیس کے اخراج کے باعث 6 مزدور ہلاک جبکہ متعد بیہوش ہوگئے، بیہو ش ہونیوالوں کو فوری طور پر ہسپتال منتقل کردیا گیا جہاں ان کی حالت خطرے سے باہر ہے حکام کا کہنا ہے کہ گیس کا اخراج ایک تجربے کے دوران ہوا تاہم ابھی اس حوالے سے مزید تحقیقات جاری ہیں۔