نائجیریا کی مسجد میں خودکش حملے کے میں 50 افراد ہلاک

مہر خبررساں ایجنسی نے ایسوسی ایٹڈ پریس کے حوالے سے نقل کیا ہے کہ نائجیریا کے شمال میں ایک  مسجد میں نماز کے دوران خودکش حملے کے نتیجے میں میں 50 افراد ہلاک اور متعدد زخمی ہوگئے ہیں۔اطلاعات کے مطابق  دھماکہ اس وقت ہوا جب نائجیریا کے شمال مشرقی علاقے موبی میں نماز کے دوران  خودکش حملہ آور نے  خودکو دھماکے سے اڑالیا جس کے نتیجے میں 50 افراد ہلاک اور  متعدد زخمی ہوگئے۔پولیس کے مطابق خودکش حملہ آور جماعت میں پہلے سے موجود تھا جس نے دوران نماز خود کو دھماکے سے اڑالیا، پولیس کے مطابق لاشوں اورزخمیوں کو اسپتال منتقل کردیا گیا ہے جہاں بعض زخمیوں کی حالت تشویشناک بتائی جارہی ہے جس کے باعث ہلاکتوں میں اضافے کا خدشہ ہے۔ پولیس کے مطابق دھماکے میں وہابی دہشت گرد تنظیم بوکو حرام کا ہاتھ ہے۔