پاکستان کے مختلف شہروں میں زلزلے کے شدید جھٹکے

مہر خبررساں ایجنسی نےایکسپریس کے حوالے سے نقل کیا ہے کہ پاکستان کے دارالحکومت اسلام آباد سمیت مختلف شہروں میں زلزلے کے شدید جھٹکے محسوس کیے گئے جس سے لوگوں میں شدید خوف و ہراس پھیل گیا ہے زلزلہ کی شدت 6.0 نوٹ کی گئی ہے ۔، خیبرپختونخواہ میں پشاور، سوات، چترال، ایبٹ آباد، مردان، ہری پور، مانسہرہ، بونیر، دیربالا اور گردونواح میں زلزلے کے جھٹکے محسوس کیے گئے جب کہ باجوڑ، خیبرایجنسی اور فاٹا میں بھی شدید زلزلہ محسوس کیا گیا۔ راولپنڈی، گلگت بلتستان، کوہستان، چترال اور میرپور آزاد کشمیر میں بھی زلزلے کے شدید جھٹکے محسوس کیے گئے جس سے عوام میں شدید خوف و ہراس پھیل گیا۔ زلزلہ پیما مرکز کے مطابق ریکٹر اسکیل پر زلزلے کی شدت 6.0 نوٹ کی گئی ہے اور اس کی گہرائی 10 کلو میٹر تھی جب کہ زلزلے کا مرکز افغانستان اور تاجیکستان کا سرحدی علاقہ تھا۔