پشاور میں فائرنگ کے نتیجے میں 2 افراد جاں بحق

مہر خبررساں ایجنسی نے ایکسپریس نیوزکے حوالے سے نقل کیا ہے کہ پاکستان کے شہر پشاور میں جی ٹی روڈ پر مسلح افراد کی کار پر فائرنگ کے نتیجے میں 2 افراد جاں بحق جب کہ 2 افراد زخمی ہوگئے ہیں۔ اطلاعات کےمطابق پشاور میں جی ٹی روڈ پر حاجی کیمپ اڈہ کے قریب موٹر سائیکل پر سوار نامعلوم افراد ایک کار پر فائرنگ کرکے فرار ہوگئے، فائرنگ کے نتیجے میں گاڑی میں سوار 4 افراد شدید زخمی ہوگئے جنہیں فوری طور پر لیڈی ریڈنگ اسپتال منتقل کیا گیا تاہم 2 افراد راستے میں ہی زخموں کی تاب نہ لاتے ہوئے دم توڑگئے جب کہ دیگر 2 زخمی افراد کی حالت بھی تشویشناک بتائی جاتی ہے۔ پولیس کے مطابق  فائرنگ کا نشانہ بننے والی کار راولپنڈی سے آرہی تھی، جائے وقوعہ سے کلاشنکوف کے درجنوں کارتوس برآمد ہوئے ہیں۔