ڈونلڈٹرمپ خارجہ پالیسی اور عالمی امور  سے ناواقف

امریکی صدر باراک اوبامہ نے واشنگٹن میں جوہری سلامتی سے متعلق کانفرنس کے موقع پر خطاب کرتے ہوئے کہا ہے کہ ڈونلڈٹرمپ خارجہ پالیسی اور عالمی امور سے انجان اور ناواقف ہیں۔

مہر خبررساں ایجنسی نے رائٹرز کے حوالے سے نقل کیا ہے کہ امریکی صدر باراک اوبامہ نے واشنگٹن میں جوہری سلامتی سے متعلق کانفرنس کے موقع پر خطاب کرتے ہوئے کہا ہے کہ ڈونلڈٹرمپ خارجہ پالیسی اور عالمی امور سے انجان اور ناواقف ہیں۔۔ باراک اوبامہ نے کہا کہ صدارتی دوڑ میں ریبپلیکنز کے صف اوّل کے امیدوار ڈونلڈ ٹرمپ کو خارجہ پالیسی کے بارے میں زیادہ علم نہیں ہے،دنیا نئے امریکی صدر سے ’متانت اور وضاحت‘ کی توقع رکھتی ہے ۔واضح رہے کہ ڈونلڈ ٹرمپ نے کہا تھا کہ اتحادی ملکوں سے فوج واپس بلا کر اس کے بدلے جوہری ہتھیار نصب کر دینے چاہییں۔ ادھرڈونلڈ ٹرمپ کے متنازع اور جارحانہ بیان کے باعث تحقیقاتی ادارے اکونومسٹ انٹیلیجنس یونٹ ( ای آئی یو) کی ایک تحقیق کے مطابق اگر امریکی ارب پتی ڈونلڈ ٹرمپ امریکہ کے صدر بن گئے تو یہ دنیا کو درپیش 10 بڑے خطرات میں سے ایک خطرہ ہو سکتا ہے۔ای آئی یو کی جانب سے جاری کی گئی درجہ بندی میں ٹرمپ کی صدارت کو برطانیہ کے یورپی یونین سے اخراج اور جنوبی بحیرہ چین میں لڑائی سے بڑا خطرہ قرار دیا گیا۔ادارے نے خبردار کیا تھا کہ ٹرمپ کو صدارت ملنے کا مطلب عالمی معیشت میں بیچینی اور امریکہ میں سیاسی اور سکیورٹی سے متعلق خطرات میں اضافہ ہو سکتا ہے۔

News Code 1863004

لیبلز

آپ کا تبصرہ

You are replying to: .
  • 1 + 17 =