روس میں سوائن فلو کی وبا کے پیش نظر 800سکول بند

مہر خبررساں ایجنسی نے روسی ذرائع کے حوالے سے نقل کیا ہے کہ روس میں فلو کی وبا کے پیش نظر 800 سے زیادہ سکول بند کردیئے گئے ہیں۔ روس کی نظام حفظان صحت کی سربراہ آنا پوپووا نے ذرائع ابلاغ کو بتایا کہ فلو کی وبا کا مزید پھیلاؤ روکنے کے لئے828 اسکول، 602 کنڈرگارٹن اور15 بورڈنگ اسکول کو عارضی طور پر بند کئے گئے۔ توقع ہے کہ وبا دو تین ہفتوں میں کم ہونے لگے گی، آنا پوپووا نے کہا زیادہ تر مریض ایچ ون این ون یعنی سوائن فلو میں مبتلا ہیں۔