انڈونیشیا میں بس حادثے میں 14 افراد ہلاک

مہر خبررساں ایجنسی نے غیر ملکی ذرائع کے حوالے سے نقل کیا ہے کہ انڈونیشیا میں ایک مسافر ٹرین اور بس کے حادثے میں 14 افراد ہلاک اور 10 سے زائد شدید زخمی ہوگئے ہیں۔ اطلاعات کے مطابق انڈونیشیا کے دارالحکومت جکارتہ میں ریلوے کراسنگ پر مسافر ٹرین  کے سامنے ایک منی بس آگئی جس کے نتیجے میں بس میں سوار 13 افراد موقع پر ہی ہلاک ہوگئے جب کہ ایک مسافر اسپتال لے جاتے ہوئے دم توڑ گیا،ریسکیو ذرائع کا کہنا ہے کہ حادثے میں بس کے 10 مسافر شدید زخمی بھی ہوئے ہیں جن میں سے بعض کی حالت تشویش ناک بتائی جاتی ہے اور ہلاکتوں میں مزید اضافے کا خدشہ ہے۔