کونسل آن اسلامک ریلیشنز کا کیلیفورنیا واقعے پر افسوس کا اظہار

مہر خبررساں ایجنسی نے امریکی ذرائع کے حوالے سے نقل کیا ہے کہ امریکی ریاست کیلیفورنیا میں فائرنگ کے واقعے میں ہلاکتوں پر کونسل آن اسلامک ریلیشنز نے دکھ کا اظہار کیا ہے اور واقعے کی شدید مذمت کی ہے۔ سین برڈینو واقعے پر کونسل آن امریکن اسلامک ریلیشنز نے پریس کانفرنس کا انعقاد کیا۔  کونسل کے ایگزیکٹو ڈائریکٹر حسام ایلوش نے فائرنگ کے واقع کی مذمت کرتے ہوئے دلی تعزیت کا اظہار کیا۔ ان کا کہنا تھا کہ واقعے کے محرکات کے بارے میں فوری کوئی نتیجہ اخذ نہ کیا جائے۔ حسام نے مزید کہا کہ سید فارو ق امریکہ میں پیدا ہوا اور یہیں پلا بڑھا، اس کے والدین کا تعلق پاکستان سے ہے۔