کراچي میں فائرنگ سے 2 پولیس اہلکار ہلاک

مہر خبررساں ایجنسی نے ایکسپریس نیوزکےحوالے سے نقل کیا ہے کہ کراچی کے علاقہ بہادر آباد چورنگی پرمسلح  افراد کی فائرنگ سے 2 پولیس اہلکار ہلاک  ہوگئے ہیں۔ اطلاعات کے مطابق کراچی  میں بہادر آباد چورنگی کے قریب 2 پولیس اہلکار موٹر سائیکل پر گشت  کررہے تھے کہ موٹر سائیکل پر سوار ملزمان ان پر فائرنگ کرکے فرار ہوگئے، دونوں اہلکاروں کو فوری طور پر جناح اسپتال منتقل کیا گیا جہاں وہ دم توڑ گئے۔ ڈی ایس پی نیو ٹاؤن ناصر لودھی کے مطابق ہلاک ہونے والے اہلکاروں کی شناخت ہیڈ کانسٹیبل عبدالغفار اور کانسٹیبل پرویز کے نام سے ہوئی ہے دونوں نیو ٹاؤن پولیس اسٹیشن میں تعینات تھے۔ دونوں اہلکاروں کو پیچھے سے نشانہ بنایا گیا ہے اور انہیں گردن اور کمر پر گولیاں لگیں جو ان کی موت کا سبب بنیں۔