پیرس میں ایفل ٹاور سیاحوں کے لیے بند

مہر خبررساں ایجنسی نےغیر ملکی ذرائع کے حوالے سے نقل کیا ہے کہ پیرس میں ایفل ٹاور سیاحوں کے لیے بند کر دیا گیا ہے۔ اطلاعات کے مطابق ایفل ٹاور پر مشکوک شخص چڑھتا ہوا دیکھا گیا جس کے بعد ایفل ٹاور سیاحوں کے لیے بند کر دیا گیا۔
ذرائع کے مطابق ایفل ٹاور پر چڑھنے والے مشکوک شخص کے پاس بیگ بھی ہے، مشکوک شخص کی موجودگی پر خطرے کا الارم بجایا گیا، انسداد دہشت گردی پولیس ہیلی کاپٹر میں ایفل ٹاور پہنچ گئی ہے اور پولیس نے ایفل ٹاور کو گھیرے میں لے لیا ہے۔