شام میں گذشتہ تین ہفتوں میں 10 ہزار دہشت گرد ہلاک

مہر خبررساں ایجنسی کی رپورٹ کے مطابق شامی ذرائع نے اعلان کیا ہے کہ گذشتہ تین ہفتوں میں شام میں دس ہزار مسلح دہشت گرد ہلاک ہوگئے ہیں جن میں آدھے غیر شامی دہشت گرد شامل ہیں۔ شامی ذرائع کے مطابق حالیہ چند دنوں میں شام میں مسلح دہشت گردوں کو سخت جانی نقصان اٹھانا پڑا ہے۔

الجزيرہ ، العربیہ، بی بی سی، ترک ذرائع ابلاغ ، امریکی و صہیونی ذرائع ابلاغ سبھی شام میں مسلح دہشت گردوں کی بھر پور حمایت کررہے ہیں لیکن ان کی حمایت کے باوجود گذشتہ تین ہفتوں میں دہشت گردوں کو شدید جانی نقصان اٹھانا پڑا ہے اور ان کے قبضہ سے بھاری مقدار میں ہتھیار بھی برآمد ہوئے ہیں۔شامی ذرائع کے مطابق ہلاک ہونے والے دہشت گردوں میں سعودی عرب، ترکی، قطری ، افغانی ، لیبیائی دہشت گرد شامل ہیں۔ ذرائع کے مطابق 20 ہزار دہشت گرد زخمی بھی ہوئے ہیں دہشت گردوں میں القاعدہ کے دہشت گرد بھی شامل ہیں۔