امریکہ میں ہیلی کاپٹرکے حادثے میں 2 فوجی ہلاک

مہر بررساں ایجنسی نے ایسوسی ایٹڈ پریس کے حوالے سے نقل کیا ہے کہ امریکی ریاست کیلی فورنیامیں میرینز کا ہیلی کاپٹر گر کر تباہ ہوگیا جس کے نتیجے میں2 فوجی ہلاک ہوگئےہیں۔اطلاعات کے مطابق جنوبی کیلی فورنیا میں موجود تربیتی کیمپ پینٹولیٹن کی حدود میں تھرڈ میرین ایئر کرافٹ ونگ سے تعلق رکھنے والا ایک ہیلی کاپٹر گر کر تباہ ہوگیا جس میں سوار2میرینز بھی ہلاک ہوگئے۔ امریکی فوجی حکام کی جانب سے حادثے کے بارے میں مزید کوئی تفصیلات پیش نہیں کی گئیں جبکہ فوجی حکام نے صرف یہ کہا ہے کہ یہ حادثہ تربیتی سرگرمیوں کے دوران پیش آیا ہے۔