مہر خبررساں ایجنسی کی رپورٹ کے مطابق لبنانی سفارتی ذریعے نے انکشاف کیا ہے کہ لبنان اور اسرائیلی فریق کے درمیان مذاکرات کا نیا دور آئندہ ماہ منعقد نہیں ہوگا۔
لبنانی سفارتی ذریعے نے المیادین کو بتایا کہ اگلے ماہ لبنان اور اسرائیل کے درمیان نئے مذاکرات کے انعقاد کا کوئی منصوبہ موجود نہیں ہے۔
ذرائع کے مطابق اگر مذاکرات کا نیا دور منعقد ہوا تو امکان ہے کہ یہ موسم گرما کے اختتام کے بعد ہوگا۔
لبنانی ذریعے نے مزید کہا کہ امریکی اور اسرائیلی فریق نے گزشتہ دو علاقوں میں کسی پیش رفت سے قبل ’’تجرباتی علاقوں‘‘ کو وسعت دینے کی تجویز کی مخالفت کی ہے۔
انہوں نے بتایا کہ لبنانی وفد نے اسرائیل کے اس دعوے کو مسترد کر دیا ہے کہ جنوبی لبنان میں ہونے والے تمام دھماکے صرف فوجی تنصیبات کو نشانہ بنانے کے نتیجے میں ہوئے۔
ذرائع نے مزید کہا کہ امریکی اور اسرائیلی وفود نے لبنان کے علاقے نبطیہ میں واقع علی الطاہر کی پہاڑیوں سے حزب اللہ کے انخلا کا مطالبہ بھی کیا ہے۔
آپ کا تبصرہ