مہر خبررساں ایجنسی کی رپورٹ کے مطابق، صہیونی حکومت کے سابق سیکیورٹی عہدیداروں نے امریکی صدر ڈونالڈ ٹرمپ کو ایک خط لکھا ہے جس میں مطالبہ کیا گیا ہے کہ وہ نتن یاہو کو غزہ جنگ ختم کرنے پر مجبور کریں۔
روسیا الیوم کے مطابق، اس مہم میں موساد، شین بیت اور اسرائیلی فوج کے سابق سربراہان پیش پیش ہیں۔
رپورٹ کے مطابق، موساد کے سابق سربراہ تامیر پاردو، شاباک کے سابق سربراہ عامی ایالون، اور سابق آرمی چیف ماتان فیلنائی نے صدر ٹرمپ کو خط لکھنے کا انکشاف کیا ہے۔
سابق سیکیورٹی سربراہان نے صہیونی عوام کو خبردار کیا ہے کہ نتن یاہو ملک کو ایک بے مثال شکست کی طرف لے جا رہے ہیں۔
خط پر دستخط کرنے والوں میں موساد، شین بیت، اسرائیلی فوج اور پولیس کے سابق سربراہان شامل ہیں، جن میں ناداو آرگامان، یورام کوہن، موشے یالون، افرایم ہالیوی، دن ہالوتز، آموس ملکا، دنی یاتوم، اور ایهود باراک جیسے بڑے نام بھی شامل ہیں۔
یہ پہلا موقع ہے کہ اتنے بڑے پیمانے پر صہیونی سیکیورٹی اداروں کے سابق سربراہان نے اجتماعی طور پر ایک وزیر اعظم کے خلاف کھل کر مؤقف اختیار کیا ہے۔
آپ کا تبصرہ