مہر نیوز ایجنسی کی رپورٹ کے مطابق، ایران کی وزارت خارجہ کے ترجمان اسماعیل بقائی نے حالیہ امریکی پابندیوں کی شدید مذمت کی ہے جس میں ایران کی توانائی، تیل اور گیس کے شعبوں اور پرامن ایٹمی پروگرام سے منسلک متعدد افراد کو نشانہ بنایا گیا ہے۔
بقائی نے ایرانی قوم پر پابندیاں عائد کرنے کی امریکی پالیسی کو واشنگٹن کا معاندانہ رویہ اور انسانی حقوق کی واضح خلاف ورزی قرار دیا۔
انہوں نے مزید کہا کہ دوسرے ممالک کے خلاف اقتصادی پابندیوں کا امریکی اقدام اقوام متحدہ کے چارٹر اور بین الاقوامی قانون کی خلاف ورزی ہے۔
اسماعیل بقائی نے مزید کہا کہ ایران کے خلاف پابندیاں ایک طرح کی غنڈہ گردی ہے جو مذاکرات کے خواہاں کے امریکی دعووں کی براہ راست نفی کرتی ہیں۔
انہوں نے زور دے کر کہا کہ امریکہ کو اس طرح کے مجرمانہ اقدامات کے نتیجے میں ہونے والی انسانی حقوق کی سنگین خلاف ورزیوں کے لیے جوابدہ ہونا چاہیے۔
آپ کا تبصرہ